CAMPIDOCTOR

CAMPIDOCTOR

in veter. glossis ὁπλοδιδακτὴς, alias Magister exercitus, item Custos et Monitor, erat vir quidam summae auctoritatis; qui bellicis exercitatiombus praefectus, non modo hortabatur, sed et coercendo impellebat tyrones. Talis Maximinus erat, ad quem Alexander Aug. ita apud Iul. Capitolin. in Maximinis, c. 5. Habes, inquit, tyrones ad tuos mores, ad tuam virtutem, ad tuum laborem, eos fac militiam addiscere, ut mihi multos Maximinos optabiles Rei publ. efficias. Talis apud Virgilium Aepytides, Aen. l. 5. v. 547.

Custodem ad sese, comitemque impubis Iuli,

Aepytidem vocat. ---- ----

Exercitiorum hic Magister, in segnius officia obeuntes animadvertebat, eosque pro delicti ratione castigabat, non voce modo, sed et verbere: Claudian. de 6. Consulat. Honor. v. 625.

---- ---- Insonuit cum verbere signa Magister.

Aelianus virgam vocat hoc coercitionis genus, i. e. bacillum, seu flagellum, Iuvenal. Sat. 5. v. 154.

------ ------ --- Metuensque flagelli,

Discit ab hirsuto iaculum torquere Capella.

Nisi dicamus et verber et virgam seu flagellum, tesserae instar fuisse, non vero plectendo tyroni dicatam: quo facere videtur illud Virg. Aen. l. 5. v. 570.

---- ---- Signum clamore par atis

Aepytides longe dedit, insonuitque flagellô.

Sed expeditius est, ut ad poenae usum flagellum istud pertrahamus. Horat. l. 1. Sat. 2. v. 16.

Nomina sectatur modo sumptâ veste virili

Sub patribus duris tyronum, ect.

Vide Thom. Dempster. in Ioh. Rosini Antiqq. Rom. l. 5. paralipom. ad c. 25. et hîc infra.